हुस्सुका कारण अत्यधिक चिसो बढेपछि सुनसरी र दाङका विद्यालयमा बिदा दिइएको छ । सुनसरीका सबै पालिकाले आजदेखि पर्सि शुक्रवारसम्म सामुदायिक तथा संस्थागत विद्यालयमा बिदा दिएका छन् ।
इनरुवा, दुहवी, कोशी गाउँपालिका, हरिनगरारामधुनी, दुहवीलगायत सुनसरीका सबै विद्यालयहरु सञ्चित वार्षिक बिदाबाट कट्टा हुने गरी बन्द गर्ने निर्णय गरिएको हो ।
यस्तै दाङको घोराही उपमहानगरपालिकाले अत्यधिक चिसो बढ्दै गएपछि तीन दिन विद्यालय बन्द गरेको छ । प्रमुख प्रशासकीय अधिकृत ऋषिराज केसीले आजदेखि पुस १८ गतेसम्म विद्यालयमा बिदा दिइएको जानकारी दिनुभयो ।
अस्ति सोमबारयता अत्यधिक चिसो बढेको भन्दै उपमहानगरपालिकाले अभिभावक, शिक्षक तथा विद्यार्थीलाई आवश्यक सतर्कता अपनाउनसमेत आग्रह गरेको छ ।
