नेशनल लाईफ ईन्स्यारेन्स कम्पनी लिमिटेडको ३९ औं वार्षिकोत्सवको अवसरमा बौद्धिक अपाङ्गता भएका वालवालिकाहरुलाई भोजन गराएको छ ।
नेशनल लाईफ ईन्स्यारेन्स कम्पनी लिमिटेड धादिङ शाखाले नीलकण्ठ नगरपालिका वडा नम्बर ३ शान्तीटारमा रहेको नमुना बौद्धिक अपाङ्गता आधारभूत विशेष विद्यालयका विद्यार्थीहरुलाई भोजन गराएको हो । कम्पनीले सामाजिक उत्तरदायित्व कार्यक्रम अन्तर्गत भोजन गराएको शाखा प्रवन्धक रबिना लामिछानेले जानकारी दिनुभयो ।
नेपालको अग्रणी जीवन बीमा कम्पनीको रुपमा स्थापित नेशनल लाईफ ईन्स्यारेन्स कम्पनीले वार्षिक उत्सवको अवसरमा धादिङ सहित देशैभर विभिन्न कार्यक्रमको आयोजना गरेको छ ।
