धादिङको कृष्णभीरमा ट्रयाक खोल्ने काम पूरा भएको छ। बाढीका कारण अवरुद्ध पृथ्वीराजमार्गको नागढुंगा मुग्लिन सडकखण्ड अन्तर्गत कृष्णभीरमा ट्रयाक खोल्ने काम पूरा भएको हो ।
प्रधानमन्त्री तथा मन्त्रिपरिषद्को कार्यालयले बुधबार सामाजिक सञ्जाल फेसबुकमार्फत ट्रयाक खोल्ने काम सम्पन्न भएको जनाएको हो। जानकारी अनुसार भोलिदेखि यो सडकखण्डमा पूर्ण रूपमा सवारी साधन आउजाउ गर्ने भएका छन् । कृष्णभिरमा बनाइएको नयाँ ट्र्याकबाट ग्यास बोकेका बुलेटहरू पास भई काठमाडौं र धादिङस्थित उद्योगमा आएका छन् ।
