कार्तिक ३० धादिङ
सदरमुकाम धादिङबेसि आसपासका खुल्ला स्थानमा अवैध रुपमा पशु बध गर्ने कार्य अझै रोकिएको छैन । नीलकण्ठ नगरपालिकाले विशेष गरि सदरमुकाम तथा बजार क्षेत्र आसपासको खुल्ला अनधिकृत स्थानमा राँगा, भैँसी तथा अन्य पशु चौपाया काट्ने वा बध गर्ने कार्य रोक्न र नगरपालिकाबाट स्वीकृति लिई तोकिएको स्थानमा मात्र पशुबध गर्नको लागि यस अघि सुचाना जारि गरिएको थियो ।
पशु बधशाला तथा मासु ब्यवसाय सञ्चालन गर्न पूर्व स्वीकृति लिनुपर्ने कानुनी व्यावस्था रहेको छ । यद्यपी सदरमुकाम धादिङबेसि बजार क्षेत्रमा रहेका बधशाला र मासु पसल कानुन अनुसार दर्ता र स्वीकृति नलिई, आवश्यक मापदण्ड पुरा नगरि सञ्चालन गरेका छन् । सम्बन्धित निकाय तथा नीलकण्ठ नगरपालिकाले आवश्यक अनुगमन र कानुन अनुसारको कारबाहि नगर्दा स्थानीय उपभोक्ताहरु अस्वस्थकर माशु उपभोग गर्न बाध्य छन् । सदरमुकाम धादिङबेसिको मालेबगर लगायतका क्षेत्रमा अबैध रुपमा पशु बध गर्ने गरेका छन् ।
नीलकण्ठ नगरपालिकाले भने अबैध र खुल्ला स्थानमा सञ्चालन गरिएको पशु, चौपाय बध गर्ने कार्य अनधिकृत भएको बताएको छ । यस कार्यबाट वातावरण प्रदुषण हुनुका साथै अस्वस्थकर माशुको कारोवार हुने र मानविय स्वाथ्यमा ठूलो असर पर्ने पनि जनाएको छ । यदि अनुगमनका क्रममा कोहि कसैले अनधिकृत रुपमा बधशाला तथा मासु पसल सञ्चालन गरेको पाईएमा कनुन बमोजिम कडा कारबाहि तथा जरिवाना गरिने जनाएको छ । नगरपालिकाले यस अघि उपभोक्तालाइ सफा र स्वच्छ मासु उपभोग गराउने भन्दै नीलकण्ठ नगरपालिका वडा नम्बर ८ स्थित कमेरे नजिकै बधशाला निर्माण गरि सञ्चालन गरेका छन् । नीलकण्ठ नगरपालिकाको स्वच्छ मासु प्रवद्र्धन कार्यक्रम अन्र्तगत नगरपालिकाको २७ लाख रुपैंया अनुदान सहयोगमा पशु बधशाला निर्माण गरि सञ्चालन गरिएको हो ।
