असाढ ३, धादिङ ।
मिडिया काउन्सील विद्ययक विरुद्ध धादिङ सहित देशभरका पत्रकारहरुले आज हस्ताक्षर संकलन गरेको छ । नेपाल पत्रकार महासंघ केन्द्रीय समितिको घोषित कार्यक्रम अनुसार आज धादिङवेशींमा हस्ताक्षर अभियान संकलन गरिएको हो ।
प्रेस स्वतन्त्रताको पक्षमा सञ्चालित यो अभियानमा धादिङमा विभिन्न मिडियामा आवद्ध पत्रकारहरु, राजनितिक दलका नेता तथा कार्यकर्ताहरु, स्थानिय जनप्रतिनिधि, शिक्षक, विद्यार्थी, स्वयमसेवीहरुले हस्ताक्षर गरेका थिए । विधेयकमा भएका प्रेस स्वतन्त्रता विरुद्धका प्रावधानहरु अविलम्ब फिर्ता लिन माग राख्दै महासंघले दुई चरणमा आन्दोलन गरेको थियो ।
दुई चरणका आन्दोलन सकिएपनि सरकारले आन्दोलनलाई वेवास्ता गरेकाले पुनः तेस्रो चरणको आन्दोलन घोषणा गरिएको नेपाल पत्रकार महासंघ जिल्ला शाखा धादिङका अध्यक्ष नवराज छत्कुलीले जानकारी दिनुभयो ।
फोटो हेर्नुहोस् :
तस्विर : गोमा थापाको फेसबुकबाट
