मंसिर ९, धादिङ ।
एमाले अध्यक्ष केपी ओलीको झापास्थित घरको गेटमा आज विहानै बम विस्फोट गराइएको छ । विहान ४ बजेतिर झापाको दमक नगरपालिका–५ मा रहेको ओलीको घरको पूर्वी गेटमा विस्फोट भएको हो ।
विस्फोटबाट गेटमा क्षति भएको छ । त्यसैगरी त्यहिं नजिकै अर्को विस्फोटक पदार्थ पनि भेटिएको छ । घरको गेट बाहिर एउटा झोला झुण्ड्याइएको अवस्थामा रहेको र त्यहाँ पनि बम हुन सक्ने इलाका प्रहरी कार्यालय दमकले जनाएको छ ।
झोलाभित्र शंकास्पद बस्तु भएकोले त्यसलाई डिस्पोज गर्न केरखाबाट नेपाली सेनाको डिस्पोजल टोली घटनास्थल आइपुगेको बताइएको छ ।
