धादिङ अस्पतालले निर्माण गरेको आईशोलेसनमा १ जना मात्रै स्वास्थ्यकर्मीले सेवा प्रदान गरिरहेको छ । डा.सविन भण्डारीको नेतृत्वमा कोरोना संक्रमितको उपचार भईरहेको छ ।
अस्पतालका ४० जना स्वास्थ्यकर्मीमा कोभिड १९ को संक्रमण पुष्टी भएपछि अस्थायी कोभिड–१९ अस्पतालमा १ जना चिकित्सक बाहेक सबै कोभिड–१९ संक्रमित स्वास्थ्यकर्मी कर्मचारीहरुले सेवा दिनुपरिरहेको बाध्यात्मक अवस्था सिर्जना भएको छ ।
कोभिड–१९ संक्रमित बिरामीहरुको उपचार गर्ने मात्र नभएर दैनिक १५ ओटा सम्म अक्सिजन सिलिन्डर ३ तले आईसोलेसन भवनको सबै कोठामा बोकेर पुर्याउनु परिरहेको अवस्था छ ।
