संविधान दिवसको अवसरमा धादिङ कारागारका १४ जना कैदीबन्दीले सजाय माफी पाएका छन् ।
विभिन्न कसुरका कारण कारागारमा सजाँय भोगिरहेका १४ जना कैदिबन्दीहरुलाई संविधान दिवसको अवसर पारेर सोमबार सरकारले कैद मिनाहा गरिदिएको हो । कैद मिनाहा पाउनेहरु मध्ये तीन जना महिला छन् । तीनै जना बहुविवाहमा सजाँय भुक्तान गरिरहेकाहरु हुन् ।
सजाय माफी पाउनेहरुमा बहुविवाहका सबैभन्दा धेरै सात जना छन् । कर्तव्य ज्यान मुद्धाका पाँच जना, सवारी ज्यान मुद्धाका तीन जना, बैदेशिक रोजगार कसुरका एक जना छन् । १५ जेठ २०७९ गणतन्त्र दिवसको दिन पनि १२ जना कैदिबन्दिलाई सजाय मिनाह गरेको कारागार कार्यालय धादिङका जेलर नइन्द्र कुमार पौडेलले बताउनुभयो । यो वर्ष मात्रै २६ जनाले कैद सजाय मिनाह पाएका छन् ।
हरेक वर्ष गणतन्त्र दिवस, संविधान दिवस र प्रजातन्त्र दिवसको अवसरमा विभिन्न कसुरमा सजाय भोगिरहेका कैदिबन्दिलाई सरकारले सजाय मिनाह गर्ने गरेको जेलर पौडेलले बताउनुभयो । संविधानको धारा २७६ फौजदारी कसुर ऐन र मुलुकी फौजदारी कार्यविधि संहिताबमोजिम उनीहरुको बाँकी कैद र सजाय सरकारले मिनाहा गरेको हो ।
२०७७ सालमा २३ जना, २०७८ सालमा १५ जना र २०७९ मा २६ जना कैदिबन्दिलाई सजाय मिनाह गरिएको छ । वर्षमा तिन पटक गणतन्त्र दिवस, संविधान दिवस र प्रजातन्त्र दिवसमा कैदिबन्दिलाई कैद सजाय छुट गरिदै आएको छ ।
