२२ मंसीर
नेकपा (एमाले) ले भोली शुक्रबारका लागि सचिवालय बैठक आह्वान गरेको छ । हालै सम्पन्न प्रतिनिधिसभा र प्रदेश सभाको निर्वाचनका साथै समसामयिक राजनीतिक विषयवस्तुमा छलफल गर्न बैठक डाकिएको नेकपा एमालेले जनाएको छ । भोलि बस्ने बैठकमा समानुपातिकतर्फका सांसदको छनोट, निर्वाचन समीक्षालगायतका विषयमा छलफल गरिने छ ।
यता निर्वाचन आयोगले बुधबार राजनितिक दललाई पत्राचार गर्दै तोकिएको समयमा समानुपातिक तर्फको सांसदको अन्तिम नामावली पठाउन निर्देशन दिएको छ । मंसीर ४ गते सम्पन्न प्रतिनिधिसभाको प्रत्यक्ष निर्वाचनमा एमालेले ४४ सिट र समानुपातिकतर्फ ३४ सिट सहित कुल ७८ सिट प्राप्त गरेको छ । साथै समानुपातिक तर्फ कुल २८ लाख ४५ हजार ६ सय ४१ अर्थात २६.९४ प्रतिशत लोकप्रीय मत प्राप्त गर्ने पहिलो पार्टी बनेको छ ।
