धादिङको निलकण्ठ नगरपालिका वडा नम्बर १२ साङ्कोष स्वास्थ्य चौकीमा सञ्चालन भएको आँखा शिविरमा १ सय ८० जनाले आँखाको जाँच गराएका छन् ।
१ सय ८० जना मध्ये १० जनामा मोतिविन्दु फेला परेको जिल्ला सामुदायिक आँखा केन्द्र धादिङका नेत्र अधिकृत रामसिंह तामाङले जानकारी दिनुभयो ।
तिलगंगा आँखा प्रतिष्ठान काठमाडौँ र जिल्ला सामुदायिक आँखा केन्द्र धादिङको संयुक्त आयोजना तथा स्थानिय निकायको समन्वयमा शिविर सञ्चालन भएको हो ।
शिविरहरुमा छनौट गरिएका मोतियाविन्दुका बिरामीहरुलाई जिल्ला सामुदायिक आँखा केन्द्र धादिङमा माघ १६ र १७ गते न्युनतम शुल्कमा शल्यक्रिया गरिने जिल्ला सामुदायिक आँखा केन्द्र धादिङका प्रमुख तामाङले बताउनुभयो । यस्तै आज १३ जनाको मोतिविन्दुको शल्यक्रिया गरिएको पनि उहाँले बताउनुभयो ।
