सिद्धलेक गाउँपालिका स्तरिय राष्ट्रपति रनिङ शिल्ड प्रतियोगिता आज बुधबार देखि सुरु हुने भएको छ ।
सिद्धलेक गाउँपालिकाको आयोजनामा आज बुधबार देखि २० गतेसम्म सिद्धलेक गापा–४ स्थित सलाङघाटमा रहेको जलेश्वरी मा.विमा प्रतियोगिता सञ्चालन हुने गाउँपालिकाले जनाएको छ ।
जिल्ला खेलकुद विकास समिति धादिङले माघ मसान्तभित्र राष्ट्रपति रनिङ शिल्ड प्रतियोगिता गरि खेलाडी छनोट गर्न पत्रचार गरेसँगै गाउँपालिकाले भोलीदेखि २० गतेसम्म रनिङ शिल्ड गर्ने भएको हो । १ नीजी र १३ सरकारी गरी १४ वटा माध्यमिक विद्यालय रहेको सिद्धलेकले सबै विद्यालयहरुलाई सहभागि गराउने गरि तयारी गरेको गाउँपालिकाले जनाएको छ।
यस्तै त्रिपुरासुन्दरी गाउँपालिकाको रानीपौवा माध्यमिक विद्यालयमा पालिका स्तरिय राष्ट्रपति रनिङशिल्ड प्रतियोगीता र अध्यक्षगत खेलकूद प्रतियोगीता सुरु हुने शिक्षा, युवा तथा खेलकूद शाखाका प्रमुख एवं स्रोत व्यक्ती नवराज पाठकले जानकारी दिनुभयो ।
अध्यक्षगत खेलकूद प्रतियोगीतामा ७ वटा वडाका खेलाडी तथा राष्ट्रपति रनिङशिल्ड प्रतियोगीतामा ११ ओटा विद्यालयका विद्यार्थीहरुको सहभागीता रहने उहाँले बताउनुभयो ।
