धादिङको खनियावास गाउँपालिकाको विभिन्न वडामा राष्ट्रिय परिचय पत्र बनाउने शिविर सञ्चालन भएको छ ।
गाउँपालिकाको २, ४ र ५ नं. वडा कार्यालयहरुमा आजदेखी राष्ट्रिय परिचयपत्र शिविर संचालन भएको खनियाबास गाउँपालिकाका सामाजिक विकास शाखाका अधिकृत दुर्गा शाहीले जानकारी दिनुभयो ।
वडा नम्बर ४ मा सञ्चालन भएको शिविरमा ५० जनाले राष्ट्रिय परिचय पत्र बनाएका छन् भने वडा नम्बर २ मा ३६ जनाले राष्ट्रिय परिचय पत्र बनाएको उहाँले बताउनुभयो । यस्तै वडा नम्बर ५ मा भने प्राविधिक कारणबस शिविर सञ्चालन हुन नसकेको बताउनुभयो ।
जनताको घरदैलोमै पुगी राष्ट्रिय परिचय बनाउने उद्देश्यले खनियाबास गाउँपालिकाको पनि विभिन्न वडामा शिविर सञ्चालन भएको अधिकृत शाहीले बताउनुभयो ।
