नीलकण्ठ नगरपालिका वडा नम्बर २ स्थित भुलभुले खेल मैदानमा भएको प्रथम वडा कप नकआउट फुटबल प्रतियोगीताको उपाधी तमू समाज भुलभुलेले जित्न सफल भएको छ ।
कार्तिक ८ गतदेखि सुरु भएकोे प्रतियोगीतामा तमू समाज भुलभुले बि लाई पेनाल्टी सुटआउटमा ४–३ को गोल अन्तरले हराउँदै तमू समाज भुलभुलेले उपाधी जितेको हो । जितसँगै तमु समाज भुलभुलेले नगद ३० हजार ट्रफि मेडल र प्रमाण पत्र प्राप्त गरेको छ । भने उपविजेता बनेको तमू समाज भुलभुले बि ले नगद १५ हजार ट्रफि मेडल र प्रमाण पत्र प्राप्त गरेको छ ।
कार्यक्रम संयोजक ईन्द्रबहादुर गुरुङको अध्यक्षतामा भएको समापन कार्यक्रममा जिल्ला खेलकूद विकास समिति धादिङका अध्यक्ष प्रताप सिंह तामाङको प्रमुख आतिथ्य तथा वडा नम्बर २ का वडा अध्यक्ष ध्वज बहादुर गुरुङको विशेष आतिथ्य रहेको थियो ।
प्रतियोगीताको समापन समारोहलाई सम्बोधन गर्नुहँदै कार्यक्रमका प्रमुख अतिथि एवंम जिल्ला खेलकुद विकास समिति धादिङका अध्यक्ष प्रतापसिंह तामाङले खेलाडीको वृतिविकासका लागि सदैव लाग्ने बताउनुभयो । साथै प्रदेशसँग समन्वय गर्दै खेल मैदानको स्तरउन्नतीको लागि पनि काम गर्ने बताउनुभयो ।
तस्बिर सबै प्रशान्त गुरुङ
