धादिङ सेवा समाज कतारको अध्यक्षमा आयुस घले निर्विरोध निर्वाचित हुनुभएको छ । शुक्रबार सम्पन्न भएको सातौं अधिवेशनले घलेको अध्यक्षतामा १३ सदस्सीय नयाँ कार्य समिति चयन गरिएको धादिङ अपडेट कतार संवाददाता राज श्रेठले जानकारी दिनुभयो ।
यस्तै नव गठित कार्य समितिको प्रथम उपाध्यक्षमा गौतम तामाङ, द्वितिय उपाध्यक्षमा उषा रिमाल, महासचिवमा रामहरि श्रेष्ठ, सचिवमा अम्बरबहादुर गुरुङ, कोषाध्यक्षमा राजेन्द्रकुमार श्रेष्ठ र सह–कोषाध्यक्षमा अनिता तामाङ चयन हुनु भएको छ ।
यस्तै समितिको सदस्यहरुमा गणेशकुमार श्रेष्ठ, बिनोद गोले, हरिप्रसाद ढुंगाना, गणेश अर्याल, राधिका परियार र शंखराम तामाङ चयन हुनुभएको छ । ‘धादिङ समाजको मुल मर्म, समाज सेवा नै मानवीय धर्म’ भन्ने मुल नाराका साथ कतारमा कार्यरत धादिङ्गे दाजुभाइ तथा दिदिबहिनीहरुले सन् २००१ मा संस्थाको स्थापना भएको थियो ।
