नेपाली काँग्रेसबाट धादिङ क्षेत्र नं २ मा उम्मेद्वार रहेका रमेश धमलाले विभिन्न पेशा र ब्यवसाय गरी काठमाण्डौ पोखरा लगायतका क्षेत्रमा बसोबास गर्ने धादिङ क्षेत्र नं २ का मतदाताहरु संग भेटघाट गर्नु भएकाे छ । शनिवार विहानै काठमाडौ पुगेका धमलाले बनस्थलीमा नीलकण्ठ नगरपालिका वडा नं ९ का मतदाताहरुसंग आसन्न निर्वाचनका विषयमा अन्तरक्रिया तथा परिचयात्मक कार्यक्रम गर्नुभएकाे हाे ।
लगत्तै ज्वालामुखी गाउँपालिकाको ढोला काठमाण्डौ सम्पर्क समिति, मैदी काठमाण्डौ सम्पर्क समितिहरुले आयोजना गरेको कार्यक्रममा सहभागी भई मतदाताहरुसंग अन्तरक्रिया गरेका छन् । कार्यक्रममा बोल्दै उम्मेद्वार धमलाले पेशा ब्यवसायको लागि जिल्ला बाहिर रहेपनि निर्वाचन भनेको देशको भविष्यको बनाउने महाउत्सव भएकाले समय निकालेर मतदानमा सहभागी भई नेपाली काँग्रेसलाई मत दिनको लागि मतदाताहरुलाई आग्रह गर्नुभयाे ।
अहिलेको यस विसम परिस्थितिमा नेपाली काँग्रेसले मात्रै देशको जिम्मेवारी लिन सक्ने र नेपाली काँग्रेसले सरकार बनाउन सकेमात्रै जेन्जी आन्दोलन सँस्थागत भई उनीहरुको माग पुरा गर्न सक्ने अवस्था भएकाले परिवर्तनलाई आत्मसाथ गर्नको लागि भएपनि नेपाली काँग्रेसको चुनाव चिन्हमा मतदान गर्न आग्रह गर्नुभयाे । त्यस लगत्तै धमला फ्लाइट मार्फत धादिङ पोखरा सम्पर्क समितिले राखेको मतदातासंगको परिचयात्मक कार्यक्रमलाई सम्वोधन गर्न पोखरा पुग्नुभएकाे थियाे ।
धमलाको साथ क्षेत्र नं २ बाट समानुपातिक उम्मेद्वार रहेका काँग्रेसका युवा नेता सेतेमान तामाङ, राजन बुर्लाकोटी, दीपक कोइराला लगायतका नेताहरुपनि पोखरा पुगेका थिए । पोखराको कार्यक्रममा सम्वोधन गदै उम्मेद्वार धमलाले पेशा ब्यवासयको लागि फरक फरक ठाउँमा रहेपनि आफ्नो गाउँ ठाउँको विकास र परिवर्तका लागि निर्वाचनमा सहभागी भई नेपाली काँग्रेसलाई मत दिनको लागि आग्रह गर्नुभयाे ।
नेपाली काँग्रेसले ५ वर्षमा के के गर्न सक्छ भनेर प्रतिज्ञापत्रमा प्रष्टसंग लेखिएको बताउँदै प्रतिज्ञापत्रका कुनै कुरामा शंकाका लागेमा आफुलाई प्रश्न गर्न समेत आग्रह गर्नुभयाे ।
धादिङको सन्दर्भमा बोल्दै उम्मेद्वार धमलाले हरेक ठाउँको विकास र सम्वृद्धिको लागि भुगोलको पहिचान र भुगोल अनुसारको निती निर्माणको गुर्न नै अहिलेको प्रमुख आवश्यकता बताउँदै धादिङको उच्च हिमाली भेग रुवीभ्यालीको शीर देखि त्रिशुलीको तिर सम्मका हरेक कुनाकाप्चाका भुगोलहरुको ज्ञान आफुलाई राम्रोसंग रहेको बताउनुभयाे ।उम्मेद्वार धमलाको चुनावी घरदैलो फागुन १० गतेदेखि १२ गतेसम्म रुवीभ्याली र खनायोबास केन्द्रित रहने निर्वाचन प्रचार प्रसार समितिले क्षेत्र नं २ ले जनाएको छ ।
