हिन्दुवादी संगठन हिन्दु सम्राट सेनाले शुक्रबार बिहानदेखि सदरमुकाम मलंगवा बजार बन्द गराएको छ। सुनसरी जिल्लाको देवानगञ्ज गाउँपालिका–३ कप्तानगञ्ज तथा सिरहामा भएको घटनाको विरोधमा हिन्दुवादी संगठन हिन्दु सम्राट सेनाले बजार बन्द गराएको खुलेको हो ।
सर्लाही सदरमुकाम मलंगवामा हिन्दु सम्राट सेनाका कार्यकर्ताहरूले बजार बन्द गराउँदै विभिन्न चोकमा टायर बालेर विरोध प्रदर्शन गरेका छन्। यता,सम्भावित तनावलाई मध्यनजर गर्दै जिल्ला प्रशासन कार्यालय सर्लाहीले सबै पक्षलाई संयमता अपनाउन आग्रह गरेको छ।
बिहीबार जिल्ला प्रशासन कार्यालयमा बसेको सर्वपक्षीय बैठकले सामाजिक तथा धार्मिक सद्भाव कायम राख्न, अफवाह फैलाउने गतिविधिबाट टाढा रहन र कानुनको पालना गर्न सबैसँग अपिल गरेको छ।
