तस्विर : गुगल
साउन १६, धादिङ ।
धादिङको सिद्धलेक गाउँपालिकाको वडा नम्बर ६ कुम्पुरमा रहेको एनसेलको टावरमा अज्ञात समुहले आगजनी गरेका छन् ।
बुधबार अन्दाजी ११ बजेको समयमा कुम्पुर लेख डाँडामा रहेको उक्त टावरमा आगो लगाएको जिल्ला प्रहरी कार्यलय धादिङका प्रहरी नायव उपरिक्षक रुपक खड्काले जानकारी दिनुभयो । आगलागीबाट जेनेटर, व्याट्री लगायतका उपकरणहरुमा क्षेति भएको उहाँले बताउनुभयो ।
आगलागीबाट उक्त टावर रहेको आसपासमा एनसेलको सेवा अवरुद्ध भएको छ । आगजनी कसले र किन गरेको भन्ने विषयमा अनुसन्धान भइरहेको प्रहरीले जनाएको छ ।
