साउन २१ धादिङ ।
धादिङको बेनिघाट रोराङ गाउँपालिकाको मझिमटारबाट अवैध सुन जस्तो देखिने पहेंलो वस्तु २४ तोला सहित दुई जनालाई जिल्ला प्रहरी कार्यलय धादिङले पक्राउ गरेको छ ।
काठमाण्डौबाट चितवनतर्फ जाँदै गरेको ना ५८ प ६५५३ नम्बरकोे मोटरसाईकल प्रहरीले चेक जाँच गर्ने क्रममा सोमबार चितवन भरतपुर महानगरपालिका २ क्षेत्रपुरका सन्तोष वस्नेत र नवलपरासी मध्यविन्दु नगरपालिका ६ का गोकुलमान श्रेष्ठ पक्राउ परेकोे हो ।
उनीहरुको साथबाट प्रहरीले अवैध सुन जस्तो देखिने पँहेलो धातु, मोवाईल र मोटरसाईल नियन्त्रणमा लिएको छ । थप अनुसन्धान तथा कारवाहीको लागि राजश्व अनुसन्धान विभाग हरिहर भवन ललितपुर पठाईएको जिल्ला प्रहरी कार्यालय धादिङका प्रहरी निरिक्षक एवं सूचना अधिकारी भोलामान सिंह अधिकारीले जानकारी दिनुभयो ।
