फागुन ११, धादिङ ।
पृथ्वीराजमार्ग अन्तरगत धादिङको बेनिघाट रोराङ गाउँपालिका ९ को ज्यामिरेघाटबाट ट्रक त्रिशुलीमा खस्दा एक जनाको मृत्यु भएको छ ।
आइतबार बिहान पृथ्वी लोकमार्ग अन्तरगत बिरगंजबाट बनेपा तर्फ जादै गरेको ना ५ ख ३७७७ नं. को शालिमार सिमेन्ट बोकेको ट्रकको टायर पड्किएर अनियन्त्रित भई सडकबाट करिव १०० मिटर तल त्रिशुली नदीमा खसेर दुर्घटना भएको हो ।
दुर्घटनामा परि ट्रक चालक मकवानपुर भिमफेदी गा.पा-२ भैसे बस्ने ४६ वर्षिय बिखे थोकरको गजुरी अस्पतालमा उपचारको क्रममामृत्यु भएको जिल्ला प्रहरी कार्यालय धादिङका प्रहरी नायव उपरिक्षक रुपक खड्काले जानकारी दिनुभयो । दुर्घटनामा परि सह–चालक सप्तरीको रुपनगर बस्ने बर्ष १८ का राजेश बि.क घाईते भएका छन् । घाईते सहचालकको भने अवस्था सामन्य रहेको छ ।
