कोभीड १९ कारण वैशाखमा स्थगित भएको कक्षा ११ को परिक्षा यहि असोज २९ गतेबाट सञ्चालन हुने भएको छ । धादिङको नीलकण्ठ नगरपालिका भित्र रहेका विद्यालयहरुहरुमा यही असोज २९ गतेबाट सञ्चालन हुने निलकण्ठ नगरपालिकाका स्रोत व्यक्ती मेघनाथ कोईरालाले बताउनुभयो ।
नगरपालिका भित्र उच्च माध्यमिक संञ्चालनमा रहेका विद्यालयहरु विच मर्यादित र व्यवस्थीत बनाउँदै एकरुप्ता कायम गर्नको लागि परिक्षा संञ्चालन गर्ने निर्णय गरिएको काईरालाले बताउनुभयो । वैशाखमा स्थगित भएको परीक्षा विद्यालय आँफैले सञ्चालन गर्न पाउने गरी उच्च माध्यमिक शिक्षा परिषद्ले तयार कार्यविधिलाई आधार मानी परीक्षा संञ्चालन गर्न लागिएको उहाँले बताउनुभयो ।
‘परिक्षा सञ्चालन गर्ने विद्यालयको कुरा हो, परिस्थति हेरेर परिक्षा संञ्चालन गर्ने नगर्ने उहाँहरुले निर्णय गर्नुहुन्छ, - कोईरालाले भन्नुभयो, नगरपालिकाले समन्वयको भूमिका मात्रै वहन गर्न लागेका हौं । ’
परीक्षा सञ्चालनका लागि नीलकण्ठ माध्यमिक विद्यालयका प्रधानाध्यापक ध्रुब अधिकारीको संयोजकत्वमा ३ सदस्यीय परीक्षा सञ्चालन समिति समेत गठन गरिएको छ ।
असोज २९ गतेबाट परिक्षा संञ्चालन गर्ने भनिएता पनि परिक्षा संञ्चालन समितिले तयारी अगाडी बढाउन सकेको छैन । नगरपालिका भित्र कोरोना संक्रमितको दर बढि रहेका कारण महामारीको अवस्थालाई मध्यनजर गर्दै परिक्षा संञ्चालनको लागि पुर्नविचार समेत हुने परिक्षा सञ्चालन समितिका अध्यक्ष्य एवं निलकण्ठ माध्यमिक विद्यालयका प्रधानध्यापक ध्रुव अधिकारीले बताउनभयो ।
अन्य सम्बन्धीत निकाय, संघ संस्थासँग, शिक्षक, अभिभावकहरु सँग पनि एकचरण छलफल गर्न बाँकी नै रहेकाले असोज २९ गते नै परिक्षा हुन्छ भनेर बोल्न नमिल्ने अधिकारीले बताउनुभयो । यता विद्यार्थीहरुले भने तयारी नपुगेको बताएका छन् । विना तयारी परिक्षा दिन नसकिने विद्यार्थीहरुको भनाई छ ।
