धादिङमा बुधबार एकै दिन १ सय १ जनामा कोरोना भाईरस सङ्क्रण पुष्टि भएको छ ।
सङ्क्रमण पुष्टि हुनेमा जिल्लाभित्रका ८३ जना र १८ जना जिल्ला बाहिरको रहेको स्वास्थ्य कार्यलय धादिङका जनस्वास्थ्य अधिकृत जेशिका थापाले जानकारी दिनुभयो । जसमा सबैभन्दा धेरै नीलकण्ठ नगरपालिकाको ६८ जना रहेका छन् ।
त्यस्तै गजुरी गाउपालिकाका १६ जना, बेनिघाट रोराङ गाउपालिकाका ४ जना, धुनीबेसी नगरपालिकाका, ज्वालामुखी गाउपालिका, थाक्रे गाउपालिकाका ३/३ जना, गल्छी गाउपालिका र त्रीपुरासुन्दरी गाउपालिकाका २/२ जना रहेका छन् ।
योसगैँ जिल्लामा कोरोना भाईरस सङ्क्रमीतको सङ्ख्या १ हजार पुगेको छ । सङ्क्रमीतमध्ये ४ सय ८० जना कोरोना भाइरस सङ्क्रमणबाट मुक्त भएका छन् । अहिलेसम्म जिल्लामा ५ हजार ७३ जनाको स्वाब सङ्कलन गरी पिसिआर परिक्षण गरीएको छ । अझै १ सय ६६ जनाको रिपोर्ट आउन बाकी रहेको जनस्वास्थ्य अधिकृत थापाले बताउनुभयो ।
