जिल्ला प्रहरी कार्यालय धादिङले चोरी भएको मोटरसाईकल फेला पारी सम्बन्धित मोटरसाईकल धनिलाई बुझाएको छ ।
आईतबार राती अन्दाजी साढे १० बजेको समयमा नीलकण्ठ नगरपालिका वडा नं.१२ का अमृत भट्टको बा ५२ प ३९६६ नं.को रातो पल्सर मोटरसाईकल घरबाटै चोरी भएको थियो ।
चोरी भएको सूचना प्राप्त भए पश्चात तत्काल प्रहरी सहायक निरिक्षकको कमाण्डमा खटिएको गस्ती टोलीले नीलकण्ठ नगरपालिका वडा नं.८ पुछारबजारबाट फेला पारी मोटरसाईकल धनिलाई आज हस्तान्तरण गरिएको जिल्ला प्रहरी कार्यालय धादिङले जनाएको छ ।
