धादिङमा बुधबार थप ४ जनामा कोरोना भाईरस सङ्क्रमण पुष्टि भएको छ ।
सङ्क्रमण पुष्टि हुनेमा नीलकण्ठ नगरपालिकाका २ जना, खनियाबास गाउपालिका र बेनिघाट रोराङ गाउपालिकाका १/१ जना रहेको स्वास्थ्य कार्यलय धादिङका जनस्वास्थ्य अधिकृत जेशिका थापाले जानकारी दिनुभयो ।
जसमा नीलकण्ठ नगरपालिका वडा नम्बर २ का १९ बर्षीया महिला, नीलकण्ठ नगरपालिका वडा नम्बर ६ का ३७ बर्षीय पुरुष, खनियाबास गाउपालिका वडा नम्बर ३ का २१ बर्षीय पुरुष र बेनिघाट रोराङ गाउपालिका वडा नम्बर ९ का ६५ बर्षीया महिला रहेका छन् । योसगैँ जिल्लामा कोरोना भाईरस सङ्क्रमीको सङ्ख्या १ हजार २ सय ५६ पुगेको छ ।
