नेपाल कम्यूनिष्ट पार्टी प्रचण्ड–माधव नेपाल पक्षले बुधबार सदरमुकाम धादिङवेशींमा मसाल जुलुस निकालेको छ ।
मंगलबार सरकारले संवैधानिक निकायका पदाधिकारीहरु नियुक्ती गरेकोे विषयलाई लिएर जुलुस निकालेको हो । बुधबार धादिङको विचबजार, पुछारबजार, शान्तबजार चोकबाट जुलुस निकालेका छन् ।
जुलुसका क्रममा झडप समेत भएको छ । झडपमा परि लक्ष्मण रम्तेल र कृष्ण प्रसाद अर्याल घाईते भएका छन् ।
संवैधानिक परिषदको सिफारिसमा राष्ट्रपति विद्यादेवी भण्डारीले अख्तियार दुरुपयोग अनुसन्धान आयोगको प्रमुख आयुक्तमा प्रेमकुमार राई र सदस्यहरुमा किशोरकुमार सिलवाल र जयबहादुर चन्दलाई नियुक्त गर्नुभएको थियो ।
