मंसिर १५, धादिङ ।
विश्व एड्स तथा यौनरोग दिवस आज धादिङमा पनि मनाइएको छ । सरकारी तथा गैरसरकारी सघ संस्थाहरुले विभिन्न कार्यक्रम गरि यो दिवस मनाएका हुन् ।
दिवसको अवसरमा आज जिल्ला सदरमुकाम धादिङबेशीमा व्यथा नामक सडक नाटक तथा एचआईभी एड्सबाट दिवंगत भएकाहरुको चिर शान्तीको कामना गर्दै दिप प्रज्वलन गरिएको छ । एड्स तथा यौनरोगको बारेमा जानकारी दिने उद्देश्यले जिल्लाका विभिन्न स्वास्थ्य क्षेत्रमा कार्यरत संघसंस्थाहरुको आयोजनामा धादिङ नाट्य समाजका कलाकारहरुद्धारा सडक नाटक प्रदशर्नी गरिएको हो ।
नाटकमा एड्स रोग के हो ? यो कसरी लाग्छ ? यस रोग लाग्न नदिने के गर्नु पर्छ ? र यस रोग लागेको व्यक्ति प्रति परिवार, आफन्तजन र समाजको भुमिका के हुन्छ भन्ने कुराहरु नाटक मार्फत प्रदर्शनी गरिएको थियो ।
जिल्ला स्वास्थ्य कार्यलय धादिङको तथ्याङ्क अनुसार जिल्लाभर एचआइभि एड्स संक्रमितको संख्या ९८ रहेको जनाएको छ । जसमध्ये २९ जना पुरुष र ३९ जना महिला रहेका छन् । एचआईभीरएड्स संक्रमित मध्ये अहिले ६५ जनाले जिल्ला स्वास्थ्य कार्यलय धादिङ बाट औषधी सेवन गरिरहेका छन् । औषधी प्रयोग गर्नेहरुमा ८ जना बालबालिका र ५७ जना वयस्क व्यक्ति रहेको कार्यलयले जानाएको छ ।
फोटा हेर्नुहोस् :
