गत असार ४ गते सडक खन्ने क्रममा माथीबाट आएको पहिरोले पुरेर वेपत्ता भएका रुविभ्याली ५ का २० वर्षिय जोजो तामाङ अझै फेला पर्न सकेका छैनन् ।
वेपत्ता जोजोलाई खोज्न आएको प्रहरीको केन्द्रिय विपद् व्यवस्थापन महाशाखा काठमाण्डौंका तालिम प्राप्त कुकुर सहितको प्रहरीको समूहले पनि फेला पार्न नसकेपछि फर्किएका छन् ।
निरन्तरको वर्षातका कारण खोजी गर्न असंभव भएपछि विपद व्यवस्थापनको समूह फर्किएको जिल्ला प्रहरी कार्यालय धादिङका प्रहरी नायव उपरिक्षक जागेश्वर भणडरीले जानकारी दिनुभयो ।
वेपत्ता तामाङको अहिले स्थानियहरुले मात्र खोजी गरिरहेका छन् । धादिङबेसी–सांकोष–तिप्लिङ सडकखण्ड अन्र्तगत सेर्तुङ र तिप्लिङ गाउँको बीचको भीरमा सडक खन्ने क्रममा ४ गते शुक्रबार स्काभेटर सहित २ जना वेपत्ता भएका थिए ।
वेपत्ता मध्ये अर्का स्काभेटर चालक सिन्धुपाल्चोकका २३ वर्षीय राजु पराजुलीको भने शव फेला परेको थियो ।
