धादिङको निलकण्ठ नगरपालिका वडा नम्बर ९ काफलपानी गुरुङ गाउँका सडकमा बत्ती बल्न सुरु गरेको छ । समाजसेवी एवं निर्माण व्यवसायी खड्क बहादुर गुरुङको व्यक्तीगत पहलमा बुधबारदेखी सडक बत्ती बल्न सुरु गरेको हो ।
बुधबार एक कार्यक्रमका विच समाजसेवी खड्क बहादुर गुरुङ र उहाँकी श्रीमती सिता गुरुङले संयुक्त रुपमा सडक बत्तीको उद्घाटन गर्नुभएको हो । करिब ३ लाखको लागतमा सडक बत्ती जडान गरिएको हो । काफलपानी गुरुङ गाउँदेखी धादिङकै प्रसिद्ध धार्मिक स्थल जलमुखी मन्दीर सम्म बत्ती जडान गरिएको छ ।
यसअघि खड्क बहादुर गुरुङकै सहयोगमा ज्वालामुखी गाउँपालिकाको काउलेडाँडादेखी जलमुखी मन्दिर सम्म जाने बाटोमा बत्ती जडान गरिएको थियो । बत्ती बल्न सुरु भएपछि यतिबेला स्थानियहरु हर्षित भएका छन् । रातको समयमा हिड्डुल गर्न निकै समस्या हुन्थ्यो तर आजदेखी त्यो समस्या समाधान भएको स्थानियहरु बताउछन् ।
आफु सँग पैसा धेरै भएर भन्दा पनि आफु जन्मेको गाउँ भएकाले मात्रै सहयोग गरेको समाजसेवी खड्क बहादुर गुरुङले बताउनुभयो । रातको समयमा हिडडुल गर्न सहज होस् र गाउँमा आपराधिक क्रियाकलाप नहोस् भन्ने उद्देश्यले सडक बत्ती बाल्न सहयोग गरेको उहाँले बताउनुभयो ।
स्थानियहरुले सडक बत्ती राखिदिएको खुशीयालीमा गुरुङ दम्पत्तीलाई आज बाजागाजा र फुलमाला अविर लगाएर जलमुखी मन्दिर सम्म पु¥याईएको थियो । गुरुङले गाउँमा हुने विभिन्न सामाजिक कामदेखी विकास निर्माणका काममा समेत सहयोग गर्दै आउनुभएको छ ।
जनप्रतिनिधिद्वारा अवरोध
सोही गाउँका वडा सदस्य छनुमाया गुरुङले भने आफुलाई नसोधी बत्ती बालेको भन्दै विरोध जनाएका छन् । वडा सदस्य गुरुङले आफुलाई नसोधी बत्ती बालेको भन्दै स्थानिय माथी हातपात समेत गरेका छन् । आफु जनप्रतिनिधि भएकोले जे काम गर्दा पनि आफ्नो अनुमती लिनुपर्ने भन्दै स्थानियलाई हातपात गरेको हो ।
