धादिङमा शुक्रबार ५० जना डेंगुका संक्रमित थपिएका छन् । स्वास्थ्य कार्यालय धादिङका अनुसार २६ जना महिला र २४ जना पुरुषमा डेंगु संक्रमण देखिएको हो ।
शुक्रबार थपिएसँगै जिल्लाभर संक्रमितको संख्या १ हजार ५ सय ९४ पुगेको छ । अहिलेसम्म जिल्लाका ८ सय ७७ जना पुरुष र ७ सय १७ जना महिला संक्रमित भएका छन् । जसअन्तरगत सबैभन्दा बढि नीलकण्ठ नगरपालिकामा ९ सय ५८ रहेको छ भने गजुरीमा १०६ र धुनिवेशीमा ७३ जना रहेका छन् ।
यस्तै गल्छी र त्रिपुरासुन्दरीमा ६८ जना, ज्वालामुखीमा ६५, बेनिघाट रोराङमा ३९, सिद्धलेकमा ३८, गंगाजमुनामा २७, थाक्रेमा १७, नेत्रावती डवजोङमा १२, रुवीभ्यालीमा ९ र खनियाबास गाउँपालिकामा ४ जनामा संक्रमण पुष्टि भएको छ ।
