माघे संक्रान्तिको अवसर पारेर जिल्लाको विभिन्न स्थानमा गोरु जुधाई प्रतियोगीताको आयोजना हुने गर्दछ । गाउँ स्तरमा रमाईलोको लागि मात्रै गोरु जुधाईने गरेकोमा पछिल्लो वर्षहरुमा मेला महोत्सवकै रुपमा गोरु जुधाई प्रतियोगीता हुँदै आएको छ ।
धादिङको नीलकण्ठ नगरपालिका वडा नम्बर १४ धुवाँकोटस्थित भंगेरीमा यो वर्ष पनि गोरु जुधाई प्रतियोगीता हुने भएको छ । गोरु जुधाई प्रतिोगीतासँगै कृषि तथा हस्तकला प्रदर्शनी हुनेभएको छ । नीलकण्ठ नगरपालिकाको सहयोग र संस्कृति संरक्षण तथा पर्यटन प्रवर्द्धन केन्द्र धुवाकोटको आयोजनामा गोरु जुधाई मेला तथा कृषि प्रर्दशनी मेला हुन लागेको हो ।
यस वर्ष १७ हल गोरु जुधाइने केन्द्रका अध्यक्ष शिवकुमार श्रेष्ठले जानकारी दिनुुभयो । बुधबार धादिङबेसीमा पत्रकार सम्मेलनको आयोजना गरेर कार्यक्रमको तयारीबारे जानकारी गराएको हो । धुवाँकोटमा परम्परादेखिनै गोरु जुधाइने भएपनि केही समय रोकिएको गोरु जुधाई २०७१ सालदेखि व्यवस्थित रुपमा आयोजना गर्दै आएको श्रेष्ठले बताउनुभयो ।
गोरु जुधाई कार्यक्रम हरेक वर्ष आयोजना गर्दै आएको र यो वर्ष ढोला, झार्लाङ लगायतबाट पनि गोरु जुधाउन ल्याईने उहाँको भनाई छ ।
