सेवाग्राहीको सहजताको लागि जिल्ला प्रशासन कार्यालय धादिङले राहदानी अनलाइन फारम अग्रिम बुकिङको समय आज शुक्रबारदेखि बढाएको छ ।
विद्युतिय राहदानी आवेदनका लागि आज ३ बजेदेखि एकसाथ आगामी एक महिना सम्मको लागि अग्रिम बुकिङ खोलिएको जिल्ला प्रशासन कार्यालय धादिङले जनाएको छ । यसअघि हरेक शुक्रबार ३ बजे एक हप्ताको लागि एपोईनमेन्ट डेटको बुकिङ खोलिदै आएको थियो ।
यस्तै अनलाईन फारम भर्दा धेरै त्रुटीपूर्ण विवरणहरु भर्ने गरिएको, आवश्यक कागजातहरु अपलोड हुने गरेको समेत पाईएको भन्दै अनलाईन फारम भर्दा सहि स्पष्ट विवरण र आवश्यक कागजात समेत अपलोड गरिदिन अनुरोध पनि गरेको छ ।
साथै आफ्नो एपोईन्टमेन्ट डेट जुन दिन परेको हो सोही दिन मात्र आवश्यक कागजात सहित उपस्थित हुन पनि सूचना मार्फत प्रशासनले अनुरोध गरेको छ । राहदानी अनलाइन फारम अग्रिम बुकिङको समय थपपछि केही सहज हुने सेवाग्राहीले अपेक्षा गरेका छन् ।
