नेपाल पत्रकार महासंघ जिल्ला शाखा धादिङको निर्वाचनमा दुई जना तमू (गुरुङ) पत्रकार निर्वाचित भएका छन् । शुक्रबार भएको निर्वाचनमा आदिवासी जनजाती तर्फ सदस्य पदमा रेडियो धादिङ र धादिङ अपडेट डटकममा कार्यरत रेखबहादुर तमू र खुल्ला सदस्य पदमा नीलकण्ठ एफएममा कार्यरत विनोद तमू विजयी भएका हुन् ।
रेखबहादुर तमूले ४१ मत ल्याएर विजयी हुनुभएको हो भने विनोद तमूले ५९ मत ल्याएर विजयी हुनुभएको हो । आदिवासी जनजाति तर्फ रेखबहादुर तमूले ४१ मत प्राप्त गर्दा उहाँका प्रत्यासी प्रेस सेन्टरका निर बहादुर तामाङलाई ३२ मत प्राप्त भएको थियो । यस्तै खुल्ला सदस्य तर्फ विनोद तमूले ५९ मत प्राप्त गर्दा उहाँका प्रत्यासी प्रेस सेन्टरका श्रीकृष्ण रिजालले १३ मत प्राप्त गर्नुभयो ।
संभवत : नेपाल पत्रकार महासंघको कार्य समितिमा तमूहरुको प्रतिनिधित्व यो पहिलो पटक हो । नेपाल पत्रकार महासंंघ जिल्ला शाखा धादिङको अध्यक्षमा सिताराम अधिकारी बिजयी हुनुभएको छ । शुक्रबार भएको निर्वाचनमा प्रेस सेन्टरका राजन अधिकारीलाई ११ मतान्तरले पराजित गर्दै प्रेस चौतारीका सिताराम अधिकारी बिजयी हुनुभएको हो ।
