काठमाण्डौको त्रिवि क्रिकेट रङगशाला, कीर्तिपुरमा नेपाल प्रिमियर लिग (एनपीएल) क्रिकेट चलिरहेका बेला बलले लागेर चियर लिडर घाइते भएकी छन् ।
घाइते चियर लिडरलाई उपचारका लागि तत्कालै बल्खुमा रहेको बयोधा अस्पतालमा लगिएको छ । घाइतेको अनुहारमा चोट लागेको छ ।
आज दिउँसो जनकपुर बोल्ट्ससँगको खेलमा चितवन राइनोजका कप्तान कुशल मल्लले हानेको बलले चियर लिडरलाई लागेको थियो । यो खेलमा चितवन जनकपुरसँग ६ विकेटले पराजित भएको छ ।
