धादिङको नीलकण्ठ नगरपालिकाका उप–प्रमुख दिपक विश्वकर्माले नगरप्रमुखको कार्यशैली प्रति प्रश्न उठाउंदै विभिन्न ७ बुँदे असहमति सार्वजनिक गर्नुभएको छ ।
उपप्रमुख विश्वकर्माले नगरपालिकामा पछिल्ला निर्णय तथा कार्यसञ्चालनप्रति गम्भीर आपत्ति जनाउँदै ७ बुँदे असहमति पत्र सार्वजनिक गर्नुभएको हो ।
उपप्रमुख विश्वकर्माले नगरप्रमुख अनुपस्थित रहने, निर्णय प्रक्रियामा पारदर्शिता नदेखिनु र महत्त्वपूर्ण कागजातहरू उपलब्ध नगराइनु, नगरसभाले पारित गरेको बजेटबाट विनाकारण रकम कटौती, बैठकहरू आवश्यक कागजातबिनै सञ्चालन, सेवाग्राहीसँग प्रत्यक्ष सम्बन्धित फोटोकपी र अन्य सेवा व्यवस्थापनमा अनियमितता, कोटेशन तथा डिजेल खरिदमा अस्पष्टता देखिएको लगायतको विषयमी असहमती जनाउनु भएको छ।
यस्तै विज्ञापन एजेंसीमार्फत अत्यधिक खर्च भएको, योजना बैंक प्रभावकारी रूपमा नचलिरहेको तथा केही कर्मचारीले ७ देखि ९ महिनाको सेवा सुविधा एकैपटक लिने जस्ता प्रचलनले नगरपालिकाको सुशासन कमजोर भएको आरोप लगाउनुभएको छ।
