रोल्पामा पहिरोमा १० जना बेपत्ता,६ घर पुरिए

रोल्पाको थबाङ गाउँपालिका–५ बोटलबारामा पहिरोमा परेर १० जना बेपत्ता भएकाहरुको खोजी जारी रहेको छ । गएरातिको पहिराले घर सहित गोठ पुरिँदा दुई जनाको मृत्यु भएको थियो भने दुई जना घाइते भएका थिए ।पहिरोमा परेका छ घरमा १० जना बेपत्ता भएका प्रहरीको प्रारम्भिक अनुमान छ । घटनास्थलमा गए राति नै प्रहरी टोली परिचालित भएका थिए । आज बिहानैदेखि प्रहरीको संयुक्त टोली र स्थानीयवासीले बेपत्ताहरुको खोजी जारी रहेको प्रमुख जिल्ला अधिकारी गङ्गाबहादुर क्षेत्रीले जानकारी दिएका छन् ।