भदौ १४, धादिङ ।
सम्पूर्ण नेपाली जनताहरु आफ्नो हक अधिकारले सम्पन्न भएको पूर्व प्रधानमन्त्री एवं नेकपाका वरिष्ठ नेता झलनाथ खनालले बताउनुभएको छ । संविधान निर्माणपछि दलित जाती सहित १ सय २६ ओटै जातजातीहरु आफ्नो हक अधिकारीले सम्पन्न भएकाले लोकतान्त्रीक संविधानमा नेपालीले गर्व गर्नुपर्ने बताउनुभयो ।
सदरमुकाम धादिङवेशींमा दलित सेवा समाज नेपालद्वारा आयोजीत प्रथम वार्षिक साधरण सभा तथा नौमती पञ्चैबाजा प्रतियोगीता उद्घाटन गर्दै उहाँले यस्तो बताउनुभएको हो । हाम्रो अनि राम्रो संविधान प्राप्त भएकाले यो संविधान देशभक्तीपूर्ण रहेको उहाँको तर्क थियो । संविधानले नेपाली जनतालाई थुप्रै कुराहरु दिएपनि लोकतान्त्रीक, देशभक्ती, परिवर्तीत, समाजवादी गरि महत्वपूर्ण ४ ओटा कुराहरुको विषयमा पूर्व प्रन्धानमन्त्री खनालले प्रस्ट पार्नुभयो ।
लोक संस्कृति जगेर्नाको लागि सम्पूर्ण नेपाली एकजुट भएर लाग्नुपर्ने पूर्व प्रधानमन्धी एवं नेकपाका वरिष्ठ नेता झलनाथ खनालले बताउनुभएको छ । समाजवादी संस्कृति निर्माणमा सरकार लागेकाले परम्परागत संस्कृतिको रक्ष गर्दै नौमती पञ्चैबाजा सँगै लोक संस्कृति सरंक्षण, संवद्र्धन र विकासका लागि ३ ओटै सरकार लाग्ने उहाँले बताउनुभयो । लोक संस्कृतिको संरक्षण र संर्वद्धनको निम्ति धादिङ जिल्ला अन्य जिल्लाको तुलनामा अघि रहेको धारणा समेत व्यक्त गर्नुभयो । लोक संस्कृतिलाई राष्ट्रिय स्तरमा विकास तथा संरक्षणको लागि प्रोत्साहित गर्नको लागि प्रान्तिय र केन्द्रिय सरकारले आवश्यक सहयोग गर्ने प्रतिवद्धता जनाउनुभयो ।
समाज विकासका क्रममा श्रम र सिपका आधारमा भेदभावको कारण दलित हुन पुगेको पूर्व प्रधानमन्त्री खनालले बताउनुभयो । तर अहिले त्यस्तो भेदभाव नभएपनि केही ठाउँहरुमा हुने त्यस्ता भेदभावको विरुद्धमा दलित समुदायहरु जागृत भएर लागिरहेकोे बताउनुभयो । दलित सेवा समाज नेपालका अध्यक्ष बसन्त परियारको अध्यक्षतामा सञ्चालन भएको प्रतियोगीताको पूर्व प्रधानमन्त्री एवं कार्यक्रमका प्रमुख अतिथि झलनाथ खनालले दमाह बजाएर उद्घाटन गर्नुभएको थियो ।
कार्यक्रममा संघिय सांसद भुमीप्रसाद त्रिपाठी,खेमप्रसाद लोहनी, प्रदेश नम्बर ३ का आन्तरिक मामिला तथा कानुन मन्त्री शालिकराम जमकट्टेल , पूर्व सभासद् गुरुप्रसाद वुर्लाकोटी, प्रमुख जिल्ला अधिकारी भगिरथ पाण्डेय, प्रहरी उपरिक्षक राजकुमार वैदवार लगायत दलित अधिकारीकर्मीहरुको उपस्थिति रहेको थियो । कार्यक्रमकै अवसरमा दलित अगुवा, दलित अधिकार कर्मीहरुलाई सम्मान पनि गरिएको थियो । ६ ओटा पञ्जेबाजा समुहहरुको सहभागीता रहेको प्रतियोगीतामा खनियाबास पञ्चै बाजा समुह प्रथम भएका छन् । त्यस्तै, त्रिपुरा सुन्दरी पञ्चैबाजा समुह द्धितिय र नमस्ते नेपाल पञ्चै बाजा समुह तृतिय भएका छन् । विजयी समुहहरुलाई क्रमशः ३० हजार, २० हजार र १५ हजार सहित प्रमाणपत्र वितरण गरिएको दलित समाज नेपाल धादिङका अध्यक्ष बसन्त परियारले जानकारी दिनुभयो ।
भिडियो हेर्नुहोस् ।
