विश्वभर फैलिरहेको कोरोना भाईरस आर्थत कोभिड १९ रोकथाम तथा नियन्त्रणको लागि देश लकडाउनमा छ । लकडाउनका कारण विहान वेलुका खाना नपाउनेहरु विपन्न गरिव तथा ज्यालामजदुरी गरेर खानेहरुको लागि निलकण्ठ नगरपालिकाले मेसमा खाना खुवाउने व्यवस्था ग¥यो ।
बुधबार सुरुको दिनमा ६६ जनाले खाना खाएका थिए भने विहिबार २ सय जना विपन्न तथा ज्यालामजदुरी गरेर दैनिकि चलाउँदै आएकाहरु खाना खाने तयारीमा थिए । तर स्थानिय प्रशासनले नियम विपरित नगरपालिकाले खाना खुवाएको भन्दै विहिबार खानापकाउने भाडाकुडा लगायतका सामाग्री जफत गरेको छ । प्रहरीको सहायताले उक्त भाडाकुडा प्रशासनले जफत गरेको हो ।
घर घरमा राहत वितरण गर्ने रकम अभाव भएकाले नगरबासी कोही पनि भोको हुन नपरोस् भन्ने उद्देश्यले विभिन्न ठाउँमा मेसको व्यवस्था गरेर नगरपालिकाले खाना खुवाउने व्यवस्था गरेको थियो । सामाजिक दुरी कायम गर्दै नियमलाई आत्मासाथ गर्दै खाना खुवाईरहेको अवस्थामा प्रशासनले कुनै सरसल्लाहा विनानै भाडा कुडा जफत गर्नु दुखको कुरा भएको नगरपालिका प्रमुख ढुङ्गानाको भनाई छ । खाना खुवाउने भनेर जानाकारी गराउदा पनि भाडाकुडा जफत गर्नु प्रशासनको दादागिरि भएको भन्दै नगरपालिका प्रमुख ढुङ्गानाले आक्रोस पोख्नुभयो ।
नगरपालिकाको काम नेपाल सरकारले राहत सम्बन्धी बनाएको कार्यविधि अनुसार नभएकाले भाडाकुडा जफत गरिएको प्रमुख जिल्ला अधिकारी तामाङले स्विकार गर्नुभयो । स्थानिय प्रशासन ऐन २०२८ दफा ६ (३) अनुसार यस्तो अवस्थामा मानिस जम्मा गर्न पाइने व्यवस्था छैन । तर नीलकण्ठ नगरपालिकाले मेसमा खाना खुवाएर सरकारले घोषणा गरेको लकडाउनको पनि उलंघन भएको प्रमुख जिल्ला अधिकारी तामाङ भन्नुहुन्छ । तर नगरपालिकालाई खाना नखुवाउन आग्रह गर्दा गर्दै पनि अटेर गरि निषेधाज्ञ तोडेपछि भाडाकुडा जफत गर्न बाध्य भएको बताउनुहुन्छ प्रमुख जिल्ला अधिकारी तामाङ ।
अहिले राष्ट्र कोभिड १९ को संक्रमणकालिन अवस्थामा छ । यो अवस्था सामना गर्न देश लकडाउनमा छ । यस्तो वेला के गर्ने, के नगर्ने भन्ने अन्योलता स्थानिय तहमा बढि देखिएको छ ।
