काठमाडौँ पेप्सीकोलास्थित सनसिटी अपार्टमेन्टबाट अस्पताल भर्ना गरिएका दुईजनामा कोरोना भाइरस कोभिड–१९० को सङ्क्रमण पुष्टि भएको छ । एकजनाको भने रिपोर्ट आउन बाँकी छ ।
उनीहरू २८ दिनअघि बेलायतबाट नेपाल फर्किएका थिए । सोमबार ¥यापिड टेष्ट अर्थात दु्रत परिक्षणका क्रममा कोरोना भएको पाइएपछि पाटन अस्पताल भर्ना गरेर नमूना सङ्कलन गरिएको थियो । उनीहरूमध्ये ५८ वर्षका छोरा र ८१ वर्षका आमामा कोरोना सङ्क्रमण पुष्टि भएको छ । यससँगै नेपालमा कोरोना सङ्क्रमितको सङ्ख्या १६ जना पुगेको भएको छ ।
बुहारीको रिपोर्ट आउन बाँकी रहेको स्वास्थ्य तथा जनसङ्ख्या मन्त्रालयले जनाएको छ । सनसिटीमा आवास क्षेत्रमा पाँचवटा भवन छन् । अहिले कोरोना सङ्क्रमण देखिएको परिवार ए भवनमा बस्दै आएका थिए । अपार्टमेन्टलाई प्रहरीले पूर्ण रूपमा नियन्त्रणमा लिएको छ । त्यहाँ रहेका मानिसलाई बाहिर जान दिइएको छैन । त्यहाँ बस्नेहरूमा कोरोना सङ्क्रमण परीक्षण सुरु भएको छ । सङ्क्रमित व्यक्तिको सम्पर्कमा आएकाहरूको अभिलेख पनि खोज्ने कार्यलाई तीव्रता दिइएको मन्त्रालयले जानकारी दिएको छ ।
यो समाचार तयार पार्दा सम्म यो भाईरसबाट मृत्यु हुनेको संख्या १ लाख २६ हजार ६ सय ४ जना पुगिसक्यो भने संक्रमितको संख्या १९ लाख ९८ हजार १ सय ११ जना पुगिसकेको छ । यस्तै यो रोग लागेका ४ लाख ७८ हजार ६ सय ५९ जना विरामी निको भएर घर पनि फर्किएका छन् ।
