सडक दुर्घटना न्यूनिकरण तथा कुकुर प्रति हेर्ने दृष्टिकोण परिवर्तन गर्ने उद्देश्यले धादिङवेशी बजारमा रहेका सामुदायिक अर्थात सडक कुकुरहरुको पहिचानमा यूवाहरु जुटेको छ ।
११ जना सम्मीलित यूवाहरुको समूहले आईतबार पहिलो दिन सिरान बजारमा रहेका १३ ओटा वेवारिसे सडकका कुकुरहरुलाई निवन वेल्ट लगाईएको सामुदायिक कुकुर पहिचान अभियानका अभियन्ता सोलोमान तामाङले जानकारी दिनुभयो । रातको समयमा सडक कुकुरहरुका कारण हुने दुर्घटना न्यूनिकरणको लागि सडकमा रहेको कुकुरहरुलाई रातीमा वल्ने निवन वेल्ट अर्थात कुकरको घाँटीमा बाध्ने एक प्रकारको पेटी लगाईएको तामाङले बताउनुभयो ।
यस्तेै यूवाहरुले ति कुकुहरुलाई रेविज विरुद्धको खोप पनि लगाएको छ । सडक कुकुर देख्ने वित्तिकै कुट्ने लखेट्ने ईत्यादी क्रियाकलापलाई रोक्ने र कुकुरलाई पनि मानिस सरह बाच्न पाउने अधिकार हुन्छ भन्ने सन्देश प्रवाह गर्न पनि यो अभियानको सुरुवात गरिएको उनिहरुले बताएका छन् । बढ्दो शहरीकरणसँगै कुकुरको सख्यामा पनि दिनानु दिन बढिरहेको छ भने सडक कुकुरले टोकेर मानिसलाई घाईते बनाउनेको संख्या पनि उत्तिकै छ ।
यस्ता कुकुरहरुको व्यवस्थापनको लागि पनि भविश्यमा तयारीका साथ काम गर्ने यूवाहरुले बताएका छन् । अभियानको सोमबार दोश्रो दिन विचबजार चोक, मिलनटोल लगाएतका क्षेत्रमा रहेका कुकुरहरुलाई खोजी गरेर निवन वेल्ट र रेविज विरुद्धको खोप लगाईने तामाङले बताउनुभयो । निलकण्ठ नगरपालिकाको पशु विकास शाखाको आयोजना तथा स्थानिय स्वयमसेवी भुलुखा (प्रोजेक्ट निवन) को सहयोगमा सामुदायिक कुकुर पहिचान तथा एन्टीरेबिज खोप कार्यक्रम सञ्चालन गरिएको हो ।
धादिङवेशीं बजारमा यस्ता कुकुरहरु यतिनै छन् भन्ने आधिकारिक तथ्याङ्क नभएपनि २ सय भन्दा बढि कुकुरहरु रहेको यूवाहरुले अनुमान गरेका छन्् ।
