वर्तमान सरकारले अपाङ्गता भएकाहरुले पाउँदै आएको सेवा सुविधा कटौती गरि निराश बनाएको भन्दै राष्ट्रिय लोकतान्त्रीक कल्याण संघ जिल्ला कार्य समिति धादिङले विहिबार प्रमुख जिल्ला अधिकारी मार्फत प्रधानमन्त्रीलाई ज्ञापन पत्र बुझाएको छ ।
ईतिहाँसकै बलियो कम्यूनिष्ट सरकारले समाजमा पछि परेका वर्ग, क्षेत्र र समुदाय लगायत अपांगता भएका व्यक्तीहरुको समेत शसक्तीकरण गरि थप अधिकार प्रदान गरेर स्वतन्त्र र स्वाबलम्बी तगा स्वाभीमानी नागरिक बनाउला भन्ने आशा रहेको तर वर्तमान सरकार बनेदेखि विगतमा प्राप्त भएका अधिकारहरु समेत बारम्बार कटौती गरि निराश बनाउँदै आएको विज्ञप्तीमा उल्लेख छ ।
बारम्बार निराश बनाउने काम गरेको भन्दै विभिन्न माग राखी प्रमुख जिल्ला अधिकारी पुण्यविक्रम पौडेल मार्फत प्रधानमन्त्रीलाई ज्ञापन पत्र बुझाएको हो । सामाजिक सुरक्षा भत्ता वितरणमा हाल राष्ट्रिय परिचयपत्र तथा पञ्जिकरण विभागले रोक लगाएकोमा अभिलम्ब सामाजिक सुरक्षा ऐन २०७५ र नियमावली तुरुन्त संशोधन गरी भत्ता नियमित उपलब्ध गराउन माग गरेको छ ।
यस्तै संघले सरकारले हालसालै जारी गरेको अपांगता भएका व्यक्तीहरुको अधिकार सम्बन्धी नियमावली २०७७ अनुसार प्रदान गरिने सेवा तथा सुविधाहरुमा अपांगता भएका व्यक्तीहरु ीवच भएको विभेदलाई हटाई अपांगताको प्रकृति र आवश्यकता अनुसार सेवा तथा सुविधान दिने गरी नियमावलीको संशोधन गरियोस्, अध्यक्ष अश्विन लंसालद्वारा हस्ताक्षरित विज्ञप्तीमा भनिएको छ ।
अबका दिनमा अपांगता धएका व्यक्तिहरुमा अधिकार कटौती र सेवा तथा सुविधा खोस्ने काम सरकारले नगरोस र मागहरु अभिलम्ब सुनुवाई नभए कडा आन्दोलन गर्ने सरकारलाई चेतावनी समेत दिएको छ ।
