फुलपातीको दिनदेखी एकादशीको दिन सम्म जिल्ला अस्पताल धादिङको बहिरङ्ग सेवा (ओपिडी) बन्द हुने भएको छ ।
विहिबार अस्पतालले एक सूचना जारी गर्दै फुलपातीको दिनदेखी टिकाको भोलीपल्ट अर्थात कात्तिक ११ गते एकादशीको दिन ५ दिन सम्म ओपिडि सेवा बन्द रहने जनाएको छ ।
स्वास्थ्यकर्मीहरुले स्वास्थ्य सुरक्षाका सम्पुर्ण उपायहरु अपनाउदै पिपिई सेट लगाएर इमर्जेन्सी, अन्तरङ्ग, प्रसुती सेवा फिवर क्लिनिक तथा कोभिड–१९ का सेवाहरु भने २४ सैं घण्टा संचालन गरिने अस्पतालका सूचना अधिकारी विक्रम विकले जानकारी दिनुभयो ।
