धादिङको गजुरी गाउपालिकाको वडा नम्बर ५ च्याङ्लीमा करेन्ट लागेर १ जना युवा गम्भीर घाइते भएका छन् ।
विजुलीको पोलबाट चुडिएर भुइमा लत्रिएको तारलाई छुदा करेन्ट लागेर स्थानीय सागर गुरुङ घाइते हुनुभएको हो । सोमबार दिउसो बाख्रा चराउन गोठालो जाने क्रममा बाटोमै लत्रिएको तारलाई छुन पुग्दा करेन्ट लागेको स्थानीयहरुले बताएका छन् ।
यस्तै करेन्ट लागेर गुरुङले चराउन लगेको २ वटा खशी समेत मरेको स्थानीय प्रेम घलेले जानकारी दिनुभयो । घाइते गुरुङलाई उपचारको लागि काठमाण्डौं पठाइएको प्रहरीले जानकारी दिनुभयो ।
