सदरमुकाम धादिङबेसीमा रहेको भुतपुर्व सैनिक कृषि सहकारी संस्था लिमिटेडको ११ औं वार्षिकोत्सबको अवसरमा २९ जनाले रक्तदान गरेका छन् ।
सोमबार जिल्ला अस्पताल धादिङको परिसरमा सम्पन्न भएको रक्तदानमा ११ जना महिला र १८ पुरुष गरि जम्मा २९ जनाले रक्तदान गरेका हुन् । कार्यक्रममा भुतपुर्व सैनिक कृषि सहकारी संस्था लिमिटेडको आयोजना तथा नेपाल रेडक्रस सोसाइटी रक्तसञ्चार सेवा केन्द्र धादिङको प्राविधिक सहयोग रहेको थियो ।
साथै नेपाल रेडक्रस सोसाइटी रक्तसञ्चार सेवा केन्द्र धादिङले बढ्दो रगतको अभावलाई न्यूनीकरण गर्ने उदेश्यले विभिन्न स्थानमा रक्तदान कार्यक्रम संचालन गर्दै आएको छ ।
