नेपालमा पछिल्लो २४ घण्टामा मात्र थप ११ जना कोरोना सङक्रमितको मृत्यु भएको छ । स्वास्थ्य तथा जनसंख्या मन्त्रालयको नियमित जानकारीका क्रममा पछिल्लो २४ घण्टामा एक महिला र १० पुरुष गरी ११ जना कोरोना सङक्रमितको मृत्यु भएको जनाएको हो ।
मन्त्रालयका प्रवक्ता डा. जागेश्र गौतमका अनुसार मोरङ, पर्सा, बारा, काठमाडौँ, ललितपुर, मकवानपुर, चितवन, सप्तरी, सर्लाही, दोलखा र प्यूठानमा एक–एक जनाको कोरोनाबाट मृत्य भएको हो । यससँगै नेपालमा कोरोनाबाट ज्यान गुमाउनेको संख्या एक सय ३७ पुगेको छ ।
नेपालमा पछिल्लो २४ घण्टामा थप आठ सय ३८ जनामा कोरोना भाइरसको संक्रमण पुष्टि भएको छ । यससँगै नेपालमा कोरोना संक्रमितको कुल संख्या ३० हजार चार सय ८३ पुगेको छ । स्वास्थ्य तथा जनसंख्या मन्त्रालयको नियमित जानकारीका क्रममा पछिल्लो २४ घण्टामा दुइ सय ५० जना निको भएर घर फर्किएका मन्त्रालयले जनाएको छ ।
यससँगै हालसम्म निको हहुनेको संख्या १८ हजार दुइ सय सय १४ पुगेको मन्त्रालयका प्रवक्ता डा. जागेश्वर गौतमले जानकारी दिनुभयो । पछिल्लो २४ घण्टामा १३ हजार पाँच सय ७९ जनाको पीसीआर परीक्षण गरिएको थियो । देशभर सक्रिय संक्रमितको संख्या १२ हजार एक सय ३२ रहेको छ भने १२ हजार दुइ सय ३४ जना क्वारेन्टिनमा रहेका छन् ।
यसैविच पछिल्लो २४ घन्टामा काठमाडौँ उपत्यकामा मात्र थप एक सय ८२ जना कोरोना सङक्रमित थपिएका छन् । स्वास्थ्य मन्त्रालयका प्रवक्ता गौतमका अनुसार काठमाडौँमा एक सय ४२, ललितपुरमा २५ र भक्तपुरमा एक जना नयाँ सङक्रमित थपिएका हुन् । विहिबार काठमाडौँ उपत्यकामा दुइ सय जना संक्रमित थपिएका थिए । बुधबार काठमाडौँ उपत्यकामा सबैभन्दा बढी दुइ सय आठ जना नयाँ संक्रमित थपिएका थिए ।
