बितेको २४ घण्टाको अविधमा देशभर १ हजार ५५९ जनामा कोरोना सङ्क्रमण पुष्टि भएको छ । योसँगै नेपालमा कोरोना सङ्क्रमितको संख्या ७७ हजार ८१७ पुगेको छ ।
नेपालमा कोरोना सङ्क्रमणबाट थप ७ जनाको मृत्यु भएको छ । स्वास्थ्य तथा जनसंख्या मन्त्रालयको नियमित जानकारीका क्रममा प्रवक्ता डा. जागेश्वर गैतमले बुधबार ७ जना सङ्क्रमितको मृत्यु भएको जानकारी दिनुभयो ।
योसँगै नेपालमा कोरोना सङ्क्रमणबाट ज्यान जानेको संख्या ४९८ पुगेको छ ।
बुधबारै १ हजार ५७ जनाले कोरोनालाई जितेका छन् । अहिलेसम्म कोरोनालाई जितेर घर फर्कनेको संख्या ५६ हनार ४२८ पुगेको छ । सक्रिय सङ्क्रमितको संख्या २० हजार ८९१ पुगेको छ ।
मन्त्रालयका अनुसार २० हजार ८९१ जना आइसोलेसनमा छन् भने ५ हजार ४२८ जना क्वारेन्टाइनमा छन् । यसअघि हिजो १० जनाको मृत्यु भएको थियो भने १ हजार ५१३ जनामा सङ्क्रमण पुष्टि भएको थियो ।
