जिल्ला सामुदायिक आँखा केन्द्र धादिङबाट मोतियाबिन्दु भएका ९५ जनाको अप्रेशन गरिएको छ ।
तिलगंगा आँखा प्रतिष्ठान काठमाण्डौं र जिल्ला सामुदायिक आँखा केन्द्र धादिङले शिविर नै संचालन गरि मोतियाबिन्दु भएकाहरुको निशुल्क अपरेशन गरिएको आँखा केन्द्रले जनाएको छ । शिविरमा हिजो ५९ जना र आज ३६ जनाको गरि ९५ जना मोतियाबिन्दुको निशुल्क अप्रेशन गरिएको हो ।
शिविरमा विशेष गरि आँखाको जाँचसँगै परामर्श तथा जटिल समस्या भएका मोतियाबिन्दु भएकाहरुको अपरेशन समेत गरि दिएको हो । हिजोदेखि संचालन भएको शिविर भोलिसम्म चल्नेछ । तिलगंगा आँखा प्रतिष्ठान काठमाण्डौंका डाक्टर रिता गुरुङ लगायतको टोलीले सेवा दिइरहेको छ ।
