प्रतिनिधि तस्विर । स्रोत : गुगल
उत्तरी धादिङको रुवीभ्याली गाउँपालिका वडा नम्बर २ सेर्तुङ स्थित अदा खोलामा सडक खन्ने क्रममा २ जना वेपत्ता भएका छन् ।
शुक्रबार राती साढे ८ बजेको सयमा सेर्तुङबाट तिप्लिङ जोड्ने सडक खन्ने क्रममा माथीबाट पहिरो खस्दा स्काभेटर चालक र सहचालक वेपत्ता भएको जिल्ला प्रहरी कार्यालय धादिङका प्रहरी नायव उपरिक्षक जागेश्वर भण्डारीले जानकारी दिनुभयो ।
बेपत्ता हुनेमा स्काभेटर चालक सिन्धुपाल्चोक जिल्लाका २३ वर्षिय राजु पराजुली र सहचालक रुवीभ्याली गाउँपालिका वडा नम्बर ५ लापाका २० वर्षिय जोजो तामाङ रहेका छन् ।
स्काभेटर खोलामा माटोले पुरिएको अवस्थामा केही भाग देखिएकाले त्यसतर्फ जाने तयारी भईरहेको प्रहरी नायव उपरिक्षक भण्डारी बताउनुभयो ।
