धादिङको त्रिपुरासुन्दरी गाउँपालिका वडा नम्बर १ मा रहेको चण्डेश्वरी आधारभूत विद्यालयलाई मुक्तीनाथ विकास वैंङ्क सल्यान्टार र आरुघाट शाखाले आर्थिक सहयोग गरेको छ ।
बैंङ्कले आफ्नो सामाजिक उत्तरदायित्व कार्यक्रम अन्तर्गत विद्यालयलाई ५० हजार सहयोग गरेको हो । विद्यालयलाई आवश्यक पर्ने कम्प्युटर तथा ल्यापटप, प्रोजेक्टर, फर्निचर, बिद्यालय कम्पाउन्ड वाल निर्माण प्रयोजको लागि आर्थिक सहयोग गरेको शाखा प्रबन्धक सुदिप श्रेष्ठले जानकारी दिनुभयो ।
५० हजार बराबरको चेक बैकका कर्मचारी सन्तोष दाहाल, बिजय तामाङ, सुदिप श्रेष्ठले संयुक्त रुपमा विद्यालयको व्यस्थापन समितिको अध्यक्ष र प्रधानध्यापकलाई हस्तान्तरण गर्नुभएको हो । सहयोग चेक बुझ्नुहुँदै बिद्यालयको प्रधानध्यापक डिल नारायण श्रेष्ठले मुक्तिनाथ बिकास बैक लिमिटेड यस क्षेत्रको पहिलो बैंक र मुलुककै उत्कृष्ट विकास बैकको अनबरतरुपमा उत्कृष्ट सेवा प्रदान गर्दै आईरहेको बताउनुभयो ।
धादिङ जिल्लामा मुक्तिनाथ बिकाश बैंकले सामाजिक उत्तरदायित्व अन्तरर्गत बिभिन्न क्षेत्रमा सहयोग गर्दे आएको छ ।
