बलात्कारको आरोप लागेका क्रिकेटर सन्दीप लामिछाने आज विहिबार बिहान १० बजे स्वदेश फर्किने जानकारी गराउनुभएको छ । कतार एयरवेजको फ्लाइटबाट फर्कन लागेको आफ्नो फेसबुक स्टाटसमा मार्फत जानकारी गराउनुभएको हो ।
नेपाल झर्ने बित्तिकै प्रहरीसमक्ष आफूलाई बुझाउने बताउनुभएको छ । उहाँले आफूमाथि गलत आरोप लागेको उल्लेख गर्दै छानबिनमा सहयोग गर्ने उल्लेख गर्नुभएको छ । उहाँले आफू एयरपोर्टमाा उत्रिदाँ आफ्ना वकिल सरोजकृष्ण घिमिरेलाई पनि उपस्थित गराईदिन प्रहरीलाई यसअघि नै अनुरोध गरेका थिए । सन्दिपले आफ्नो सुरक्षाका लागि घिमिरेलाई उपस्थित गराईदिन फेसबुक स्टाटसमा पनि अनुरोध गरेका छन् ।
जाहेरीमा गत भदौ ५ गते साँझ लामिछानेले नगरकोट लगेको र त्यही रात फर्किएर गौशालाको एक होटलमा ल्याई जबर्जस्ती करणी गरेको आरोप लगाइएको छ । स्रोतका अनुसार सुरुमा लामिछानेका साथीसँग किशोरीको चिनजान भएको थियो । उनै साथीमार्फत किशोरी लामिछानेको सम्पर्कमा पुगेकी थिइन् ।
एक महिनाअघि मात्र दोहोरो चिनजान भएका उनीहरूबीच त्यसपछि सामाजिक सञ्जालमा कुराकानी र फोटो आदानप्रदान हुने गरेको थियो । पछिल्लो समय आफू केन्या जान लागेको भन्दै लामिछानेले किशोरीसँग भेट्न चाहेका थिए ।
