पृथ्वी राजमार्गअन्तर्गत मलेखु–मुग्लिङ सडकखण्डको धादिङस्थित बेनीघाट रोराङ गाउँपालिका–९, मझिमटारमा निर्माणाधीन आकाशे पुलमा गर्डर राख्ने काम आज नसकिएपछि भोलि पनि राखिने भएको छ ।
सोमबार बिहान ११ बजेदेखि दिउँसो २ बजेसम्म सवारी आवागमन बन्द गरेर गर्डर राख्ने काम गरिएको हो। सोमबार एउटा मात्र गर्डर राख्ने काम सम्पन्न भएको र बाँकी दुईवटा गर्डर राख्न मंगलबार बिहान ९ बजेदेखि विहान ११ बजेसम्म सवारी आवागमन बन्द गरिने जिल्ला प्रशासन कार्यालय धादिङले जनाएको छ।
पैदलयात्रीका लागि निर्माणाधीन उक्त आकाशे पुल अपाङ्गमैत्रीसमेत हुने जनाइएको छ।
