धुनिवेशी नगरपालिकाको नौविसे स्वास्थ्य चौकीमा शुक्रबार भएको निशुल्क बन्ध्याकरण शिविरमा ११ जनाले सेवा लिएका छन् ।
स्वास्थ्य कार्यालय धादिङले आयोजनामा भएको शिविरमा ११ जना पुरुषले स्थायी बन्ध्याकरण भ्यासेक्टोमी सेवा लिएको स्वास्थ्य कार्यालय धादिङका परिवार नियोजन अधिकृत अनन्त प्रसाद शर्माले जानकारी दिनुभयो ।
गत बुधबार ज्वालामुखी गाउँपालिकाको मैदी स्वास्थ्य चौकीमा भएको शिविरमा २ जना महिला र ६ जना पुरुष गरि ८ जनाले स्थायी परिवार नियोजनको सेवा लिएको परिवार नियोजन अधिकृत शर्माले बताउनुभयो ।
शनिबार थांक्रेगाउँपालिकाको महादेववेशीमा, ३० गते गजुरी, ३१ गते बेनिघाट रोराङ र कात्तिक १ र २ गते धादिङ जिल्ला अस्पतालमा शिविर सञ्चालन हुनेछ ।
